Novaĵoj el Esperantio

Projekto NESTO sendos al tiu blogo freŝajn kaj interesajn novaĵojn, kiuj alvenas al ni el Esperanta Mondo. Do, ĉiam vizitu nin.

2005-06-04

Projekto NESTO cxe ORKUT

Saluton, karaj!

Mi kreis komunumon en ORKUT por Projekto NESTO. Vi cxiuj estas
bonvenaj

http://www.orkut.com/Community.aspx?cmm=2366050

Amike
Adonis Saliba
=========================================
Audu Radion NESTO
http://www.monda.org/radionesto
Partoprenu projekton NESTO
http://www.monda.org/nesto
ju plimulte da esperantistoj,
des plimulte da eblecoj por Esperanto
==========================================

2005-06-03

Klasika komputila ludo nun en Esperanto!


MANIAC MANSION DELUXE - EN ESPERANTO

:.: Klasika komputila ludo nun disponebla en Esperanto

Antaux iom pli ol 15 jaroj, estis lancxita la ludo
Maniac Mansion ("freneza domo"), kiu popularigis novan
ludstilon kaj arigis legion da fanoj cxirkaux la
mondo. Pasintjare, internacia volontula skipo
relancxis la ludon, nun kun pli ellaborita grafiko kaj
rulebla en modernaj komputiloj, "Maniac Mansion
Deluxe". Intertempe, pli ol 400.000 personoj jam
elsxutis la novan version (senpagan), kaj kiu estas
ade tradukata en novajn lingvojn: nun, gxi estas
disponebla ankaux en Esperanto!

En MM, la ludanto interagas kun roluloj kaj objektoj,
kadre de pluraj malgrandaj sinsekvaj enigmoj, kiuj
devas esti kohere solvitaj cele al la fina tasko: savi
la koramikinon de la cxefa rolulo, enkarcerigitan de
freneza sciencisto. Oni gvidas skipon de tri studentoj
tra lia domego, interagante per komandoj ("prenu",
"malfermu", "fermu", "pusxu", ktp) kaj dialogoj, kiuj
donas indikojn pri la solvo de la enigmoj. Vi eltrovos
ke cxiu el la sep elekteblaj junuloj havas specialajn
lertojn, talentojn kaj malfortojn, kaj cxiu el la
frenezaj logxantoj de la domo havas celojn kaj
dezirojn kiuj povos helpi aux bloki vian skipon,
depende de kiel vi rilatas al ili. La historio - kaj
via alirmaniero por plenumi la celon - estos malsamaj
laux la knaboj kiujn vi elektas kaj kiel vi interagas
kun la personoj kaj ajxoj en la domego... Longaj horoj
da alloga cerbumado atendas vin! ;-)

Pro la ampleksa teksta interagado sur grafika
interfaco, la ludo estas placxa rimedo por praktiki
lingvajn talentojn. Gxi estas bona amuzajxo kaj por
progresintoj, kaj por progresantoj; la grafika
interagado ebligas ke ecx komencantoj gxuu la ludon,
samtempe cxerpante suficxe ampleksan vortprovizon.

======================================
# ELSXUTO

La pagxaro de la skipo, "LucasFan Games", trovigxas
cxe:

<a src =
'http://people.freenet.de/lucasfangames/maniac/index_eng.htm'>http://people.freenet.de/lucasfangames/maniac/index_eng.htm</a>
Iru al "Our Games", kaj poste elektu "Download" sub
"Maniac Mansion Deluxe".

Alternativa vojo por elsxuto de la ludo:
http://www.filefront.com/?filepath=/Adventureserver/fanadventures/mmd14setup.exe

Se vi eventuale ricevas la ligilojn fusxitaj: ili
ankaux estas troveblaj cxe mia blogejo/fotejo, krom
kelkaj ekranfotoj de la ludo:
http://jimes.multiply.com

---
# INSTALADO

La ludo estas instalebla sub Vindozo (pri rulado sub
Linukso vidu pli malsupre). Post elsxuto, suficxas
ruli la dosieron kaj elekti la instaldosierujon. Por
lancxi la ludon, fine musklaku sur la ikonon kreitan.

---
# AGORDOJ

Post la ekrulo, malfermigxas menuo. Elektu unue
"Readme", kaj legu pri la klavaraj komandoj (klaku sur
la flageto por Esperanta versio). Sekve, klaku sur
"Configuration". Elektu "Esperanto translation" cxe
"Game Language", kaj fine klaku sur "Save and run".
Bonan ludadon! ;-)

---
# LINUKSO

Por indikoj kiel ruli la ludon sub Linukso,
anglalingve, kontrolu: http://drevil.warpcore.org/ags/
Maniac Mansion Deluxe estis kreita uzante la programon
"Adventure Game Studio", kaj estas necese instali
linuksan version de ties motoro. Mi ne scias cxu la
ludo funkcias per Wine.

======================================
Laste: la skipestro de la projekto "Maniac Mansion
Deluxe", la germano Sascha Borisow (kasxnomo
"LucasFan"), estis tre malferma kaj helpema pri la
esperantigo de la ludo (ekzemple cxe la strebo por la
subteno de la supersignoj). Gratulleterojn (prefere
germane aux angle) se eble sendu al li cxe:

MMDeluxe [cxe] gmx.net
======================================

Bonan ludadon!

Jimes Vasco Milanez
Brazilo
Kontakto: jimesvm [cxe] gmail.com

Kinoarto kaj Esperanto

Kinoarto kaj Esperanto
----------------------

En la retejo de "Senlime" (Esperanto-Grupo Verviers en Francio) estas
malfermita nova pagxaro pri "Kinoarto kaj Esperanto".

La temo estas konata de multaj esperantistoj, sed ne de
ekstermovadanoj... Mi do sugestas, ke kuragxemaj tradukantoj surretigu
tradukon en sia propra lingvo. Jen la resuma enhavo de la novaj pagxoj
cxe http://www.ifrance.com/senlime/kino/kino.htm

- Historio: tra la jaroj, kiun lokon prenis Eesperanto en la kinarto
gxenerale?
- Originaloj: cxu ekzistas filmoj originale verkitaj en (aux dublitaj al)
Esperanto?
- Esperantajxoj: kiel Esperanto aperas en alilingvaj filmoj?
- Superskriboj: por kiuj filmoj oni faris superskribon en Esperanto?
- Tekniko: kiel havigi al si filmojn kun superskriboj en Eesperanto?
- Informoj: kiel trovi pliajn informojn pri tiu temo (ret-ligiloj,...)?

Denove la adreso de la retejo pri E-kino:
http://www.ifrance.com/senlime/kino/kino.htm

inf: "J-M. Jacques" <jacques@senlime.org>

el dissendolisto de "Senlime"

---
fonto: "Ret-Info"
http://www.eventoj.hu

----------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
----------------------------------------------------------------------

2005-06-02

Esperanto cxe Guglo

Review of Robert Service's Stalin. A Biography--Part One
World Socialist Web Site - Oak Park,MI,USA
... The widely held notion that Stalin's ideology had turned into an undiluted nationalism cannot be substantiated. He no longer espoused the case for Esperanto. ...

Informletero de Vinilkosmo

Estimataj muziksxatantoj!

Tiuj cxi kelkaj lastaj monatoj certe estis la plej produktivaj
dum la tuta historio de Vinilkosmo ! Eta retrospektivo nepras,
kaj por la okazo vi trovos en nia TTT-pagxo cxiujn fresxdatajn
referencojn prezentitajn antaux ol fari pauxzon por profiti je
la belaj sunaj tagoj.

Plie, eta surprizo, tiom por vi kiom por ni, alvenis por
simboligi la vojon trairitan depost la unuaj heroecaj
surbendigoj, kaj ankaux novajxo el Ukrainio, kiu montras kiel
esperanto viglas en Orienta Euxropo, tiel ricxigante la
muziko-kolekton kiu ne cxesas pligrandigxi.

Kun la euxropsomeraj tagoj, alvenas ankaux la unuaj
renkontigxoj kaj la preparoj de diversaj festivaloj kaj
kongresoj rapidetas, anoncante varman someron por la
esperanto-geamikoj el la tuta mondo.

Enmanigu viajn agendojn, kaj ekakrigu viajn orelojn !

Nia kompleta katalogo cxe: http://www.vinilkosmo.com

<<>><<>><<>><<>><<>><<>><<<>><<>><<>><<>><<>><<>><<>><<>><<>>

Vinilkosmo-Novajxoj

<<>><<>><<>><<>><<>><<>><<>><<>><<>><<>><<>><<>><<>><<>><<>><

VKKS 28 " Tute ne gravas "

AMPLIFIKI
---------

Cxu muzikkasedo en 2005 ? Tamen jes, kaj cxi tio ne estas
sxerco, sed unika kaj limigita okazo por kolektantoj,
recenzistoj, kaj nostalgiuloj! Estis hazarde retrovita en la
kelo de Eldonejo LF-Koop, tiu kvazaux enfosita trezoro; temas
pri la unua esperanto-rok-kasedo eldonita en Esperantujo en 1986
de la rok-bando Amplifiki. Tiu retrovita stoko estas sen
banderoloj, sed la kasedoj estas novaj kiel de la unua tago!

Post represado el unu el la originalaj de la tiamaj banderoloj,
Vinilkosmo proponas al vi kun iom da malfruo, certe, sed
senkomplekse, cxi tiun nemalhaveblan rarajxon.

Konsistanta el Micke (Svedio), Kim, nuna membro de
Esperanto-Desperado (Danio), Bertilo et Martin, fondintoj de la
fama bando Persone (Svedio), kaj Aline kaj Isabelle (Francio),
Amplifiki estis siatempe la stela bando dum internaciaj
renkontigxoj de la esperanta junularo. Tra tuta Euxropo la efiko
de ilia pure rokenrola muziko kun nuancoj de bluso estis
adoptita de ilia publiko, starigante Amplifiki kiel ikonon de la
esperanta rok-movado.

En cxi tiu kasedo vi povos trovi mejlosxtonajn titolojn kiajn
"Sed tute ne gravas", "Domo en Bonn'", "Brava bardo", "Rugxo kaj
blu'", "IS", kaj la neforgeseblan "Sola" komponitan kaj kantitan
de Kim, titolo kiun cxiuj espojunuloj el la tuta mondo konas kaj
kunkantas. Notindas ke gxi reaperis en la unua KD de
Esperanto-Desperado 'Brokantajxoj' (VKKD 34).

Tiu escepta oportuno reenmergigxi en la primicojn de
esperanto-rokmuziko estas akompanata ankaux de brosxuro kun la
tekstoj kaj fotoj de la tiama bando.

Trafenda okazo antaux kompleta kaj neinversigebla elcxerpigxo
...

Por auxskulti fragmenton aux rekte mendi :

http://www.vinilkosmo.com//?disc=vkks28&lng=e

<<>><<>><<>><<>><<>><<>><<>><<>><<>><<>><<>><<>><<>><<>><<>>

VKKD 80 " Ukrainaj Kantoj en Esperanto "

ESPERO EL UKRAINIO
------------------

Popolkantoj estas la plej granda spirita valorajxo de la ukraina
popolo. Ili montras la vivon de la popolo, gxiajn revojn,
cxiutagajxojn, historiajn eventojn..

En tiu cxi disko estas prezentitaj ukrainaj popolkantoj, kiuj
venis precipe el la okcidenta parto de Ukrainio, dank'al la
aktiveco de tieaj esperanto-tradukistoj; sed ankaux de aliaj
partoj, ekzemple Mikaelo Bronsxtejn, kiun ni jam bone konas
(vkkd54, vkkd55, vkkd60), kaj kiu antauxe vivis en Ukrainio!

Iniciatis kaj preparis la diskon M. Lineckij. Krome, la disko
aperis dank'al kontribuoj de A. Abrahamjan, S. Cxanturija, kaj
M. Bronsxtejn.

La realigo estas manfarita; gxi proponas originalan prezenton
en esperanto kaj en la ukraina. En la kantaro estas prezentitaj
tri variajxoj de la teksto: en Esperanto, en la ukraina, kaj en
la ukraina laux esperanta ortografio kun indikitaj akcentoj.

En la unua strofo kaj refreno de la kantoj trovigxas literaj
indikiloj de la akompan-akordoj. Eblos do al la auxskultantoj
kunkanti hxore kaj kunvivi la cxarmon de cxi tiuj kantoj, kies
diversaj temoj, sxercaj kantoj kun vigla kaj bonkora popola
humuro, aux historiaj kantoj de la XVIa-XVIIa j.c, respegulantaj
batalojn de la kozakoj kontraux la malamikoj.

Tiu cxi disko estas manfabrikita de la artistoj mem.

Por auxskulti fragmenton aux rekte mendi :

http://www.vinilkosmo.com//?disc=vkkd80&lng=e

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Centjarigxo de la esperanto-kongresoj en Bulonjo cxe Maro

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Dum Paska semajnfino, de la 25-a gxis la 30-a de marto 2005; la
kongreso de Bulonjo-cxe-Maro (norda Francio) kunigis
esperantistojn el tuta Euxropo por festi la centjarigxon de la
unua Tutmonda Esperanto-Kongreso.

Muziko estis bone reprezentita jam okaze de la inauxguro per
paradmarsxo de la kongresistoj gvidataj de urba fanfar-bando de
Bulonjo, de la Urba Teatro gxis la urbodomo. Meze de tiu
promenado en la urbo okazis halto en la Zamenhof-Placo, kie
estis deponitaj florgarboj cxe la busto de la patro de
esperanto. La esperanto-himno "La Espero" antauxis la francan
himnon "La Marseillaise", la tuto kun oficiala plena pompo....
Neniu iam vidis tion!

La muzika budo de Vinilkosmo, prezentanta cxiujn produktojn de
gxia katalogo, vere estis rimarkita. La etoso estis garantiata
de DJxo Flo, de la bona humoro de Rikardo, kaj de la gejunuloj
de JEFO kiuj dancis je ritmoj de roko, skao, kaj regeo de la
bandoj Strika Tango, Esperanto Desperado, La Rolls, JoMo, La
Porkoj, Dolchamar, ktp., kaj ankaux de la elektronika versio de
"La Espero" de Ralph Glomp.

Dimancxvespere la fama kantisto internacia kaj loka Jacques
Yvart, (VKKD 19) faris brilan prezenton de pluraj novaj
esperanto-kanzonoj, kaj por fini prezentigxis la korusa ensemblo
Meven (VKKD 43 kaj VKKD 71). Kvalita spektaklo kiu vojagxigis
nin sur la maroj de la mondo, kun nekutima surscenejigo
koregrafia kiu okupis la tutan scenejon per la 25 gekoristoj,
aktoroj kaj muzikistoj.

Sekve de la spektaklo de Jacques Yvart la publiko unuanime petis
duan albumon....

Jacques Yvart helpe de pluraj tradukistoj, inter ili Marcelo
Redoulez de la Kompanoj (VKKD 25), ekis laboron por nova
KD-projekto de tradukoj de la propraj kantoj de Jacques
eltiritaj el pluraj liaj albumoj, 'Bonjour la Paix' (Bonan
tagon, Paco) 'Citoyen du monde' (Mondcivitano), ktp., kaj eble
ankaux originaj titoloj en esperanto.

La projekto eble bezonos almenaux du jarojn da laboro antaux ol
la disko pretos, kun intertempe turneo de Jacques por poluri la
kantojn sursceneje antaux ol ilin registri.

Jen do tuta programo pri kiu ni parolos en oportuna momento....

Dauxrigote....

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

NEJ, 40-a datreveno

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Okaze de la 40-a datreveno de NEJ ( Nederlanda Esperanta
Junularo), estas organizata renkontigxo okazonta de la 10-a gxis
la 12-a de junio 2005 en Middelburg en Zeeland (Nederlando).
EUROKKA estis invitita por gvidi seminarion pri
esperanto-muziko.

Por pliaj informoj kaj por aligxi :

http://www.esperanto-jongeren.nl/pr2005.html

<<>><<>><<>><<>><<>><<>><<>><<>><<>><<>><<>><<>><<>><<>><<>><<>><

KEF 2005

<<>><<>><<>><<>><<>><<>><<>><<>><<>><<>><<>><<>><<>><<>><<>><<>><

Kultura Esperanto-Festivalo (KEF) okazos en Helsinko (Finnlando)
de la 16-a gxis la 23-a de julio 2005. La temo de la festivalo
estos "Korpo kaj Kulturo". En la programo (provizora): panelo de
la plej elstaraj esperanto-artistoj aktualaj: Dolchamar
(Finnlando), Esperanto-Desperado (Danio/Bosnio), JoMo kaj
Liberecanoj (Tuluzo/Okcitanio/Francio), Alejandro Cossavella de
Strika Tango kaj La Porkoj (Argentino), Flávio Fonseca
(Brazilo), Jxomart & Natasxa (Svedio/Kazahxio), Martin Wiese
(Stokholmo/ Svedio), ktp.

Por tiu okazo estos prezentita unuafoje oficiale la artista
datenbazo fare de David Emil kaj Flo de EUROKKA.

Por pliaj informoj kaj por aligxi :

http://www.esperanto.fi/kef2005/

<<>><<>><<>><<>><<>><<>><<>><<>><<>><<>><<>><<>><<>><<>><<>><<>><

Kantaro-Vikio

<<>><<>><<>><<>><<>><<>><<>><<>><<>><<>><<>><<>><<>><<>><<>><<>><

Cxu vi jam auxdis pri la Kantaro-Vikio de Ljosha Kuznecov?
----------------------------------------------------------

Kantaro-Vikio estas unika ret-pagxaro kunigante unu el la plej
grandaj kolektoj de kantoj en esperanto.

Cxar tiu pagxaro funkcias kiel Vikipedio, cxiuj kiuj volas
kontribui povas facile fari modifojn (se necese) en la jam
ekzistantaj pagxoj, kaj fari novajn.

En tiu kantaro vi trovos novajn kantojn, sed ankaux "klasikajn"
kiel ekzemple "La Espero", "IS", "Sola", "Hotel California".

La lastaj pagxoj aktivigitaj prezentas kompletan kolekton de
kantoj de Persone kaj de Merlin.

La rubrikoj estas klasitaj laux titoloj: "Kantotekstojn",
"Tekstoj kun akordoj", "Melodioj por posxtelefono", "Informoj
pri albumoj de e-bandoj", ktp.

Krom la tekstoj kaj gitar-akordoj por amatoraj muzikistoj, eblas
trovi ankaux diversajn ligojn al aliaj retpagxoj pri
esperanto-muziko.

Do, se vi havas intereson pri esperanto-muziko, vizitu tiun cxi
retkantaron, uzu gxin, kaj alportu en gxin viajn kontribuojn....

http://www.ikso.net/kantaro

Info de Ljosa KUZNECOV

www.ikso.net/kantaro

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Himno je Gxojo en Japanio

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

S-ro Konisi Gaku adaptis la poemon "Himno je Gxojo" (Al la gxojo)
de Schiller tradukita al esperanto de K. Kalocsay por la hxora
finalo de Simfonio N-ro 9 de Beethoven.

Estis eldonita kompleta libro enhavanta la partiturojn kaj
tekstojn.

Eblas rekte mendi gxin por 6 euxroj plus sendokostoj cxe :

KLEG (Japana Esperanta Librokooperativo) Sone-higasi 1-11-46-204
Toyonaka-si Oosaka-hu JP-561-0802 Japanio

kleg@mvf.biglobe.ne.jp

http://www2u.biglobe.ne.jp/~kleg/esperanto.htm

Aux en la libroservo de UEA

Info de Mine Yositaka

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Tutmonda Roko

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Jen antauxvidita por venonta auxtuno (euxropa), nova albumo de
JoMo kaj Liberecanoj el Tuluzo (Okcitanio/ Francio). JoMo
proponos al ni kvalitan albumon je kio li kutimigis nin, sed
krome ankaux novan muzikkoncepton kiun li nomas "Tutmonda Roko".

<<>><<>><<>><<>><<>><<>><<>><<>><<>><<>><<>><<>><<>><<>><<>><<>>

Vi povas amplekse disvastigi tiun cxi informleteron.

Se vi ricevis gxin pere de amiko aux konatulo kaj se vi deziras
ricevi rekte la venontajn, bonvolu inskribigxi cxi tie :
http://www.vinilkosmo.com/?scb=&lng=e

Dankon pro via atento.

Plej muzikajn salutojn al cxiuj legantoj !

Redaktita por vi de Floreal Martorell kaj Mark Eaton

Por persona kontakto kun Flo, bonvolu utiligi :

floreal@vinilkosmo.com

2005-06-01

Radio NESTO = Disvastigxo kaj Reformprovoj

==== Novaj Lecionoj ==== ĝis 2005.06.12

Radio NESTO kaj ILEI/UEA prezentas la kurson pri
INTERLINGVISTIKO kaj ESPERANTOLOGIO
de Prof-ro Istvan Szerdahelyi

I. Esperantologio

Novaj Lecionoj:
7. Kial nur Esperanto povis tutmonde disvastiĝi?
8. Reformprovoj kaj solidiĝo

Pri la programo kaj informoj, vizitu la retpagxon:
http://www.monda.org/radionesto/interlingvistiko.htm
====================================
Dimancxo - 07-08h kaj 22-23h GMT
Mardo - 07-08 h GMT
Merkredo - 15-16 h GMT
Jxauxdo - 22-23h GMT

http://www.monda.org/radionesto
====================================

Faka agado dum la UK

Karaj listanoj,

Dum la UK en Vilno UEA ofertos du servon al siaj aligxintaj kaj
kunlaborantaj fakaj asocioj:

1. Faka budo
------------
Senpaga budo, kiun fakaj asocioj povos utiligi en unu tago aux pli,
dividante la dejxortempon inter si. Oni devas tamen anticipe peti tiun
servon. Se via faka organizajxo interesigxas pri tiu eblo, bv.
kontakti min gxis la fino de majo. Laux la ricevitaj petoj mi dividos
la dejxortempon kaj fiksos la nombron de tagoj por la budo.

2. Faka forumo
--------------
Dum la faka forumo (kunlige kun la strategia forumo) - vi povas
mallonge prezenti vian asocion kaj paroli pri aspektoj de gxenerala
intereso, sed prefere menciu vian intencon al mi anticipe.

Amike salutas

Amri Wandel,
estrarano pri scienca kaj faka agado
<amri@frodo.fiz.huji.ac.il>

el [scienca-kaj-faka-agado]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

.

====================================================
Amike
Adonis Saliba.

Bicikla karavano: Vieno - Zakopane

BICIKLA KARAVANO VIENO--ZAKOPANE
--------------------------------

Cxiuj biciklemuloj estas invititaj aligxi al nia IJK-ena bicikla
karavano. Ni intencas bicikli de Vieno (Auxstrio) al la cxijara IJK en
Zakopane (Pollando)

Dato: lundo, 25-a de julio -- sabato, 30-a de julio
Itinero: Vieno, Bratislavo, Piestany, Prievidza, Martin, Trstena,
Zakopane

- tagaj distancoj: ~ 70 km
- tagaj alto-diferencoj: ~ < 600 m
- tranoktoj: en junulargastejoj k aliel
- kostoj: taksite je ~65 EUR por la tranoktoj (sen mangxoj) --
lauxplane tendoj ne bezonatas.
- vetero: bonega :-)

Aligxoj: sendu mesagxon al <TaKamasop@gmx.net> aux
<gregor.hinker@esperanto.at>.

La organiza teamo:

Katharina Tanzberger kaj Gregor Hinker

el [tejo]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Stipendio "Esperanto"


Stipendio "Esperanto"

En Rusio ekzistas firmao "Planeta Esperanto", fondita en 1994 de
kunlaborantoj de internacia sekcio de la organizajxo "Asocio de Rusiaj
Gejunuloj". La firmao okupigxas pri organizado de eneksterlanda
studado (universitatoj, MBA ktp), sed cxefe pri instruado de la angla
lingvo - en eksterlando. La firmao ecx registris por si la
domajno-nomon "esperanto.ru" - do gxi gvidas al la pagxoj de la
firmao, kaj ne al rusiaj E-asocioj.

Nun la firmao anoncis "Stipendion Esperanto", kiun povas ricevi
studentoj, dezirantaj lerni en eksterlandaj lernejoj (universitato en
Usono, MBA en Europo aux diversaj 4-semajnaj lingvolernejoj en
Euxropo).

Krom la nomo la firmao havas nenian rilaton al la E-movado. Pliaj
informoj cxe: http://www.esperanto.ru/news/stipend.shtml

laux [e-rus-info]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Dauxraj Agadoj 3 - Agado Espero

Sekve de la anoncoj pri la aliaj du dauxraj agadoj (Projekto Dialogo
kaj Indigxenaj Popoloj), mi ricevis ofertojn pri kunlaboro de
esperantistoj el Barato, Brazilo, Kolombio, Kubo kaj Pakistano. Dankon
al ili!

La tria projekto, pri kiu nun indas paroli al vi en la serio "dauxraj
agadoj", estas la tiel nomata Agado Espero, kiu estas simpla evoluo de
la iama "konto Espero", kreita okaze de la milito en Jugoslavio.

Nun la Agado Espero konsistas el 3 brancxoj:

* solidareco
* lernejoj por evoluo
* lingvo de paco

"Solidareco" estas la agado de la konto Espero, tio estas doni helpon
al individuaj esperantistaj viktimoj de militoj aux de aliaj
similspecaj grandaj naturaj katastroj (la mar-ondego en Azio,
ekzemple). Gxia helpo al unuopuloj gxenerale estas relative malgrandaj
(maksimume 100 euxroj), sed tio suficxas en malfacilaj kondicxoj por
fari multon.

"Lernejoj por evoluo" estas lernejoj en la evoluantaj landoj, en kiuj
oni instruas ankaux Esperanton, kaj en kiuj la labor-kondicxoj estas
malfacilegaj. Oni provas helpi per sendado de materiajxoj (kajeroj,
skribiloj, kaj similajxoj).

"Lingvo de paco" estas la agado por instrui Esperanton en militaj
situacioj aux en lokoj, kie ekzistas strecxaj rilatoj inter popoloj
aux etnaj grupoj. Nuntempe, gxi cxefe pluapogas la instruadon de
Esperanto en Kabulo, Afganujo, kaj en la militantaj regionoj en Centra
Afriko.

Zorgas pri cxi tiu agado komisiono konsistanta el Hans Bakker,
respondeculo, Agnes Geelen kaj Atilio Orellana. Tamen oni povus fari
plion, se ekzistus pli da laborantoj. Interesigxantoj anonci sin cxe
mi.

Evidente oni povas helpi ankaux per donaco al UEA, kun la indiko
"Fondajxo Espero".

Amike

Renato

----------------------------------
Renato Corsetti, Via del Castello, 1
IT-00036 Palestrina, Italujo
<renato.corsetti@esperanto.org>
-----------------------------------

el [tejo]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Kunveno pri "informado" en Vlinius

Ni parolu pri informado en Vilno
--------------------------------

Mi estas arangxanta kunvenon pri informado dum la UK en Vilno.

La labor-titolo iom sxerca estas gxis nun: "Informado: la
stranga milito, en kiu soldatoj proprainiciate batalas,
oficiroj ne gvidas sed riprocxas kaj generaloj opinias, ke la
milito ne koncernas ilin!".

Jam konsentis prezenti siajn spertojn reprezentantoj de Unuigxo
Franca pri Esperanto (Francois Bartsch kaj Claude Longueépée).
Francujo estas unu el la malmultaj landoj en kiuj la landa
asocio vere gvidas la informadon kaj helpas la lokajn klubojn
kaj la individuajn esperantistojn per materialoj diverspecaj.

Se iu el vi havas interesajn spertojn (sukcesajn kampanjojn
jxus faritajn, ktp. por raporti), tiu bonvolu kontakti min rekte.

Amike

Renato Corsetti
<renato.corsetti@esperanto.org>

el [informado]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Kalumnioj de kabeinto

Kricxjaj kalumnioj

Kabeinta eks-TEJO-volontulo Christopher CULVER (antauxe konata kiel
"Kricxjo") antauxnelonge publikigis anglalingvan eseon, kiu akre
atakas Esperanton kaj kalumnias cxiujn movadajn instancojn (UEA,
TEJO, k.s.) asertante ke Esperanto "subpremas lingvan diversecon".
Vidu lian eseon cxe
http://www.christopherculver.com/en/writings/esperanto.php

Cxe la subaj pagxoj eblas afisxi (anglalingvajn) komentojn:
http://www.languagehat.com/archives/001852.php kaj
http://help.berberber.com/archive/index.php/t-11071.html

Raportis: J&J <jojxo@yahoo.com>

el [NUN]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Reklamo pri Esperanto aperos tra Google

Reklamo pri Esperanto aperos tra Google

Pli ol 30.000 vizitojn monate ricevas la retejo "Lernu.net", kie
eblas studi Esperanton en 24 lingvoj. Pluraj dekoj da kunlaborantoj
vivigas la projekton, kiun financas la organizajxo Esperantic
Studies Foundation.

Ankaux tra la popularega ret-sercxilo Google baldaux disvastigxos
reklamo pri "Lernu.net". Fine de marto la teamo de la retejo sukcesis
gajni konkurson de Google pri senpaga reklamo. De tiam aktivuloj
preparadis la reklam-sxildojn kiuj aperos diversloke en la reto
fine de majo aux komence de junio

Legu pli en Libera Folio! http://www.liberafolio.org

inf: Kalle Kniivila
<kalle@esperanto.se>

el [NUN]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

nacilingve pri E-o kaj interreto

En aprila kajero de ruslingva reta jxurnalo "Temoj de
interret-klerigado" ukraina esperantisto Tatjana Auderskaja publikigis
sian (ruslingvan, certe) artikolon "Esperanto kaj Interreto".

En gxi estas lumigata projektaro de E@I (kun ttt-ligiloj):
lingvo.info, lernu.net, interkulturo.net, edukado.net, kaj temas
ankaux pri E-Vikipedio.

La artikolo vekis tiom grandan intereson kaj pozitivan
reagon de legantoj, ke Tatjana Auderskaja estis invitita kiel "Gasto
de kajero" por junia kajero de la jxurnalo. Por anonci sin por la
junia kajero, Tatjana verkis unu plian artikolon, en kiu sxi detaligis
sian antauxan artikolon kaj rakontis pliajn interesajn aferojn. Denove
estis menciita E@I kaj gxia lastatempa sukceso pri gajno de premia
reklamado cxe Guglo.

Se vi kredas ke Tatjana meritis tion, vi povas danki sxin pro sxia
agado per sxia retposxto - verda99@mail.ru

La ligiloj estas http://vio.fio.ru/vio_27/cd_site/Articles/art_1_1.htm
kaj http://www.televio.nm.ru/june2005.dhtml

inf: Oleg Izyumenko <Oleg326756@gmail.com>

el [ecxei-membroj]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Preparoj al la Nitobe-Simpozio

Vizito al parlamento

La 27-an de majo prezidanto de Litova Esperanto-Asocio
Povilas JEGOROVAS en parlamentejo de Litovio renkontigxis kun
vicprezidanto de Litovia parlamento dr. Vydas GEDVILAS, kiu
samtempe estas prezidanto de parlamenta komitato pri euxropaj
aferoj.

En la renkontigxo partoprenis ankaux cxefa konsilantino de tiu
parlamenta komitato Loreta RAULINAITYTE. Temis cxefe pri
estonta la 4-a Nitobe-Simpozio, kiu okazos tuj post la 90-a UK
inter la 30-a de julio kaj la 1-a de auxgusto. Temo de la
simpozio estas "Lingvopolitikaj aspektoj de la pliampleksigo
de Euxropa Unio". Organizantoj de la simpozio estas Centro de
Esploro kaj Dokumentado pri la Monda Lingvo-problemo (CED),
Universitato de Vilnius, Litovia Akademio de sciencoj, Komitato
pri Euxropaj aferoj de Litovia Parlamento. Estis konfirmitaj
antauxaj interkonsentoj kaj faritaj novaj, nome:

1. Nitobe-Simpozio okazos en Konstitucia salono de parlamentejo.
Salonon oni disponigos senpage.

2. Oni povos senpage uzi tradukan kaj interpretan servon de la
parlamento, cxefe inter litova kaj angla, sed se necesos,
ankaux inter litova kaj aliaj lingvoj. Nur pri interpreto al
kaj el Esperanto devos zorgi ni.

3. Oni povos senpage uzi cxiujn bezonatajn teknikajxojn inkluzive
multobligan servon k.s.

4. Fako de publikaj rilatoj de la parlamento konstante informos
pri la Nitobe-simpozio gazetaron, novajxagentejojn k.s.

5. Plejvershajne, parlamento regalos partoprenantojn de la
simpozio per senpagaj luncxoj (pri tio ankoraux devas aperi
kolektiva decido de gvidantaro de la parlamento).

6. Okazos akcepto por la cxeestantoj de la simpozio cxu de
prezidanto de parlamento, cxu de vicprezidanto.

7. Dum la inauxguro de la simpozio parolos prezidanto de la
parlamento aux minimume vicprezidanto.

8. Dum la internacia konsiligxo de prezidantoj de parlamentaj
komitatoj pri Euxropaj aferoj en Budapesto cxi-jare la 2-5-an
de junio estos por cxiuj disvastigita skriba informo pri la
Nitobe-Simpozio en Vilnius kun invito partopreni.

9. Estos sendita invito al la simpozio por cxiuj 13 litovaj
euxroparlamentanoj.

10. Estos invitita euxrokomisaro Jan Figel al la simpozio.

11. Estos faritaj aliaj gravaj invitoj nome de la parlamenta
komitato pri euxropaj aferoj de Litovio al la simpozio.

Krome, dr. Vydas GEDVILAS akceptis proponon de Litova Esperanto-
Asocio eniri Honoran Komitaton de la 90-a jubilea Universala
Kongreso de Esperanto en Vilnius cxi-jare. Al li estis donacitaj
pli ol 10 lastatempe en Litovio aperintaj libroj pri Esperanto
kaj lingvoproblemo gxenerale.

Povilas JEGOROVAS

Litova Esperanto-Asocio
p.k. 167, LT-44291 Kaunas, Litovio
Tel. +370 37 208503, fakso +370 37 228616,
E-poshto litova.ea@mail.lt, retejo www.esperanto.lt,

el [esper-inform]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Ekspozicioj de esperantistaj artistoj

Ekspozicioj de esperantistaj artistoj

S-ro Xue, cxina konata pentristo kun esperantisteco, funkciigis
sian dulingvan (cxinan kaj Esperantan), en kiu vi certe povas trovi
tiujn pentrajxojn, kiuj placxas al vi.

Adreso: http://rivero.icpcn.com

******

Johano Balla, malnova esperantisto, skulptisto, artisto ekfunkciigis
propran retan gaelrion pri siaj laboroj. La retpagxaro estas
plurlingva, inkluzive ankaux Esperantan.

Adreso de la galerio: http://free.x3.hu/ballajano/index.html

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Mallonge 2005.05.26.

Komerca firmao alprenis E-lingvan titolon.

Nova TTT-aspektiga studio en Jekaterinburg alprenis E-lingvan titolon,
rakontis Viktor Kulakov dum REK. La titolo estas "Viareto" (Via reto),
elpensis gxin persone la cxefo de la firmao, ne e-isto, helpe de
vortaro kaj ioma konsultado flanke de Viktor mem, kiu estas unu el la
programistoj de la studio.

La studio jam registris sian domajnon: http://viareto.ru. Unu el la
projektoj de la studio estas retpagxo de la Rusia E-kongreso kaj EoLA,
okazintaj en Jekaterinburgo.

Andrej Grigorjevskij
<andreo@esperanto.msx.ru>

el [e-rus-info]

* * * * * *

Reta vendejo pri brokantajxoj
-----------------------------

Cxe la adreso http://www.booklooker.de funkcias reta vendejo pri
brokantaj libroj, filmoj, muzikajxoj. La vendejo akceptas kaj ofertas
ankaux Esperantajn eldonajxojn. La retejo estas nur germanlingva.

* * * * * *

Seminario pri aktivula trejnado en Havano

De la 21-a gxis la 22-a de majo 2005, pli ol 30 esperantistoj
renkontigxis en la sidejo de Kuba E-Asocio por pritrakti
diversajn temojn en rilato kun la aktuala situacio de la
Kuba movado, organizado, kulturo, instruado, utiligo.
Estis prezentita mallonga filmo pri la Universitato de
Informadikaj Sciencoj, en kiu funkcias Klubo de Esperanto.
Pliaj detaloj kun fotoj troveblas cxe:
http://www.esiss.co.cu/esperanto/noticoj/2005/havsem.htm

inf: Norberto Diaz Guevara
Sancti Spiritus, Kubo
<norberto@ssp.desoft.cu>

* * * * * *

Nova kvizo en la retejo de "Interkulturo"
-----------------------------------------

Ni invitas cxiujn partopreni nian novan kvizon "Bestoj"
<http://www.interkulturo.net/kvizoj/listo.php>.

Limdato por sendi respondojn estas la 30-a de junio, 2005. Gajnintoj
de la kvizo ricevos valorajn premiojn.

el [Novajxletero de Interkulturo]

* * * * * * *

E-gusta ne E-a retejo
---------------------

Interesa prilingva enciklopedio ekzistas cxe la adreso
http://lingvisto.org. Malgraux sia nomo la cxefa pagxo estas plene
ruslingva kaj rakontas pri multaj lingvoj - ekzotikaj kaj ne tre, sed
tute ne mencias Esperanton kiel lingvon. Samtempe ne nur la retejo,
sed ankaux preskaux cxiu aparta pagxo havas esperantlingvan nomon.

Evidente tiel la kreinto (subskribinta kiel Dmitri Lovermann) praktike
uzas Esperanton, dum multaj aliaj kutime uzas por la samaj celoj la
anglan.

Krom la lingva enciklopedio en la retejo estas plia parto, kiu jam
estas E-lingva - tio estas "Katalogo de Lingvisto". La Katalogo estas
kolekto de ligiloj al diversaj interesaj retejoj kaj blogoj - nur en
Esperanto!

La Katalogo estas bone zorgata kaj aktuala, kun oportuna kategoriigo
kaj klaraj subskriboj.

Andrej Grigorjevskij
<andrej@co.uea.org>

el [e-rus-info]

* * * * * *

Maxime Rodinson

Eks-redaktoro de la revuo "Esperanto" de UEA, Istvan Ertl atentigis
pri la apero de libro sub la titolo "Souvenirs d'un marginal" (Fayard,
Parizo, recenzo che :
<http://www.editions-fayard.fr/FrCatalogue.asp?Ouvrage=3526878>)

Temas pri membiografio, kiun komencis verki, sed ne povis fini, la
famega orientalisto kaj lingvisto Maxime Rodinson (1915-2004).

Istvan Ertl trovis dum foliumado, ke "almenau deko da pagxoj [el 434]
temas pri Esperanto, kiun li priskribas kiel grandan intelektan
stimulilon adolesk-aghan". Li aldonas ke, se li havos vivotempon por
fini sian auxtobiografion, li rakontos ankaux kiel li kontribuis al la
renaskigxo de E-o en tempoj de Gorbacxov'. Bedauxrinde, li ne
gxisvivis tion.

el [esper-inform]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
Se vi estas kontenta pri Ret-Info, diru tion al viaj amikoj :-)
--------------------------------------------------------------------

.

====================================================
Amike
Adonis Saliba.

Por arkitektoj, konstruistoj

Novajxletero: "Konstru-Forumo" por arkitektoj, konstruistoj
-----------------------------------------------------------

Jan Werner estas unu el la plej konataj esperantistaj terminologoj
en teknika tereno. Liaj plej konataj verkoj "Terminologia Kurso"
(1986) kaj "Terminaro de betono kaj betonistaj laboroj" (2002)
estas troveblaj en la Scienc-Teknika E-Biblioteko cxe
http://www.eventoj.hu/steb/

Por kunagordi al agadon de esperantistaj arkitektoj kaj konstruistoj,
por ellabori la fakan terminologion en la konstruada tereno li
lancxis fakan bulteno kun la nomo "Konstru-Forumo" por la
kunlaborantoj kaj interesigxantoj.

S-ro Jan Werner volonte akceptas la sinanoncojn de interesigxantoj
por partopreni la komunan laboron.

Lia retadreso: <werne@tiscali.cz>

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

.

====================================================
Amike
Adonis Saliba.

Amsterdama biblioteko konsultebla rete

La biblioteko de la Universitato de Amsterdamo posedas kolekton de
libroj kaj gazetoj en kaj pri Esperanto, kiu nombras pli ol 3000
titolojn.

Parton de tiu stoko konsistigas la libraro de la landa asocio
'Esperanto Nederland', kiun la universitato mastrumas por gxi. Post
longa laboro, la tuta kolekto estas nun katalogita, kaj rete
konsultebla. La adreso de la libere alirebla katalogo estas:
http://opc.uva.nl.

De la bonveniga pagxo vi povas elekti inter nederlandlingva kaj
anglalingva dauxrigoj. Alklaku la supran ligon 'Catalogus van de
Universiteit van Amsterdam' aux 'Catalogue of the Universiteit van
Amsterdam' por atingi la elirpagxon por viaj katalogaj esploroj. En la
serchlinio 'zoeken' aux 'search' tajpu la du mallongigojn 'tac esp'
(sen citiloj, sed kun unu interspaco) kaj konfirmu (tac esp signifas
'taalcode Esperanto', t.e. 'lingvokodo Esperanto). Responde vi devus
ricevi la komunikon pri 3104 trafoj, kiu estas la E-kolekto, ekrane
trairebla en sia tuta amplekso.

Anstataux tajpi 'tac esp' vi povas uzi la indikitajn serchkriteriojn,
kaj tuj sercxi laux titolo, auxtoro, ktp. De cxiu trovita titolo
vi trovos la auxtoro(j)n, eldoniston, eldonjaron, bindmanieron,
eventualan serian apartenan, referencnumeron, fizikan situon
de la volumo kaj informojn pri la prunteblo kaj disponeblo.

Wim Jansen

inf: "Atilio ORELLANA ROJAS"
<iei001@tiscali.nl>

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

.

====================================================
Amike
Adonis Saliba.

Humanista koalicio akceptis Esperanton

La 1-2-an de majo en Peterburgo okazis la 9-a konferenco de la
Internacia Koalicio "Por la Humanismo!"

Enkadre de la programo de la konferenco Oksana Burkina elpasxis kun la
prelego "Humanismaj tendencoj en la moderna socio. Lingvistika
aspekto".

La plej grava rezulto de la prelego estis unu el oficialaj decidoj de
la konferenco: "Akcepti Esperanton kiel la lingvon por internacia
komunikado de la Koalicio. Establi kontaktojn kun
humanistoj-esperantistoj"

Trovi informojn pri la konferenco kaj ties decidoj vi povas cxe:
http://forhumanism.org/?target=ru/conf2005_about.html

---
Oksana Burkina estas peterburga E-aktivulino, studanta
nun en postdiploma fako de la Peterburga sxtata universitato kaj
verkanta disertajxon pri moderna fonologio de Esperanto. Sxi estas
REJM-komitatano kaj membro de TEJO.

(publikigita cxe http://www.peterburgo.info)

el [esper-inform]

---
fonto: "Ret-Info"
http://www.eventoj.hu

--------------------------------------------------------------------
Retposxta novajxservo kun selektitaj E-novajxoj: RET-INFO
-- Senpaga en 2005! --
Aligxoj kaj malaligxoj cxe: http://www.eventoj.hu
--------------------------------------------------------------------

Tiu estas la unua mesaĝo...

Nur por enkonduki tiun blogon.
eĥoŝanĝo ĉiuĵaŭde